Les mots surlignés font l'objet d'une note
1Reçue à Montélimar, le 30 septembre 1573.
2Monsieur de Gordes, jay receu voz deux lettres des XXVIme aoust et quatriesme du present,
3avec la requeste que ceulx de la religion de mon pays de Daulphiné vous ont presentée,
4estant fort satisfaict de la responce que vous leur avez faicte sur icelle, car
5vous neussiez sceu prendre chemin pour plus dignement conserver mon auctorité et celle
6que vous avez de moy que cestuy là. Jay aussi congneu par la première de vosdites
7lettres la resolution que vous avez prise de les aller combatre. Je masseure tant
8de votre experience et sage consiferaton que en cela ny autre chose, vous nentreprendrez
9jamais riens que au grand avantage et bien de mon service. Par la dernière de vosdites
10lettres, jay entendu comme votre deliberation sur ce fait estoit rompue au moien de la tresve
11que mon cousin le marechal de Damville leur a accordée pour tout ce moys. Je nay
12poinct encores entendu de luy la consideration pour laquelle il est entré en ladite tresve,
13laquelle jestime toutesfois nestre que bien fondée. Aussi ne vous en diray-je
14riens pour ceste heure, mais les depputez de Languedoc, tant catholicques que
15autres, sont dhyer au soir arrivez en ce lieu avec leurs requestes et remonstrances
16pour trouver moien de paciffier les troubles qui sont de delà. Je les feray
17ouyr et leur pourvoieray au plustost de ce que je congnoistray estre pour le bien
18du pays, dont je vous advertiray incontinent après, afin que vous sachez
19ce que vous aurez à faire de votre part.Cependant, jay bien voulu vous faire
20ce mot pour ne vous tenir en peyne de la reception de vosdites lettres, priant Dieu,
21monsieur de Gordes, vous avoir en sa sainte et digne garde. Escript à Paris,
22le XXIIme jour de sep[tem]bre 1573.
23Charles
24Fisses